lunes, 3 de noviembre de 2014

Venres 7 de novembro: Auga, terra... aire (A bolsa) - Curtametraxe


Auga, terra... aire (A bolsa)
20:00 e 23:00
VENRES 7 DE NOVEMBRO

Curtametraxe

Contaremos coa presenza en ámbas sesións de Pablo Banga (fotografía e edición) e Pablo Casal (guión e dirección)
A curta trata da perdurabilidade dos obxectos que nos rodean. É unha crítica á sociedade de consumo, ao “só un uso” de moitos dos  materiais que se desbotan á primeira de cambio. A protagonista é unha bolsa de plástico azul típica dos pequenos establecementos de comestibles. Durante os, aproximadamente,  13 minutos que dura este traballo, desprazarase polos tres elementos (terra, auga e aire) e protagonizará diferentes situacións (cotiás e non tanto) que esperamos cheguen a ter a repercusión que perseguimos.
A banda sonora foi composta para a ocasión polo grupo 2us e o tema principal chamase “bolswing”.

Presentación da curtametraxe en Gondomar, onde foi rodada

O director, Pablo Casal Nuñez
Pablo Casal Núñez é licenciado en Educación Física pola Universidade da Coruña. Senderista e corredor de montaña, leva percorrendo dende hai máis de trinta anos diferentes espazos naturais. Colaborador dende o 2003 na organización das carreiras de orientación organizadas pola Universidade de Vigo e no Lago  Castiñeiras; así como no “Proxecto Ríos” para os ríos do Miñor, nomeadamente no ámbito do río Zamáns. Membro do Instituto de Estudos Miñaros.
Ten publicado: Educación Física ESO (Bahía Edicións, 1999), Educación Física (Proxecto curricular, ESO-Bacharelato, 1999), o Plano “Rutas Urbanas Saudables” (Concello de Vigo, 2010); Unidade Didáctica da Serra do Galiñeiro (IEM, 2013), así como diversas colaboracións en publicacións especializadas.
Descarga a sinopse da curta





Buscar neste blog

A miña lista de blogs

  • Outubro de 2017 - Sesións de outubroFilmoteca CGAI A Revolución rusa é un dos acontecementos máis importantes do século XX, non só polo que supuxo para o Imperio ruso, que ...
    Hace 3 semanas
  • Larga ausencia... - *Un servidor es plenamente consciente de la ingente cantidad de tiempo que hace que no se digna a actualizar este humilde blog... Ahora bien, siempre digo ...
    Hace 2 años
  • - Mois boas!! Rematamaos a tempada cun programa dobre..por iso ides ver ao final moitos mais cortes do habitual, jeje: son dous progrmas especias, adicados a...
    Hace 4 años