15 de Febreiro: OPERACIÓN E

OPERACIÓN E

(nrm 12 anos)
VENRES 15 de FEBREIRO de 2013

20:00 e 23:00

2,5€ estudantes/parados/xubilados 

5€ para traballadores 
auditorio municipal de carballiño

SINOPSE

 Unha muller secuestrada polas FARC da a luz un neno no medio da selva colombiana. No momento do parto, a guerrilla arrebátalle o neno e entrégallo a Crisanto, un modesto agricultor que sobrevive na xungla coa súa muller, cinco fillos e un sogro curandeiro. Deberá facerse cargo do neno, baixo ameaza de morte.

O pequeno está gravemente enfermo, pero Crisanto e os seus están dispostos a todo por salvalo.

FICHA Dirección: Miguel Courtois Guión: Antonio Onetti Producción: Cristina Zumárraga, Marisa Castelo, Farruco Castromán, Luis Tosar e Ariel Zeïtoun Dirección de Fotografía: Josu Incháustegui Deseño de Producción: Gonzalo Martínez Montaxe: Jean-Paul Husson Música: Thierry Westermeyer

TECNICA Título orixinal: Operación E Duración: 108’ Ano: 2012 País: España-Francia Idioma: Español

FICHA  ARTÍSTICA                                 Luis Tosar                 Martina García                 Gilberto Ramírez

O director, Miguel Courtois (París, Francia, 1960)

Miguel Courtois-Paternina nace en París en 1960, de pai francés e nai española. Foi primeiro profesor de filosofía, pero en 1982 empeza coma fotógrafo de moda e chega a ser un gran reporteiro para a axencia de prensa Sygma.

Comeza a súa carreira como director coa estrea de Un reportero bajo sospecha (1988). Dende entón, traballa para o cine e a televisión francesa realizando e creando numerosas películas e series como La Crim' (1999) e Le Lycée (2000), que recibirá o premio de mellor serie no Festival de Saint-Tropez .

Dirixe a súa primeira longametraxe española, El Lobo, en 2004, protagonizada por Eduardo Noriega e Patrick Bruel . Recibiu dous Goya e numerosos outros premios internacionais.

Seguirá traballando en España coa película GAL en 2006, e o documental 11-M, historia de un atentado en 2005. En 2010  roda un telefilm en parte en Kaboul, tratando del conflicto afghano: Le piège afghan con Marie-Jose Croze e Samuel Le Bihan.

CRÍTICAS

“Cun Tosar noutro dos seus espectaculares traballos de composición, a película decide non formular a pregunta de si quere ser ou non un película política” (Jordi Costa, El País)

“Con excelente ritmo, suspense e rigorosa análise periodística, este documento desclasificado (…) non decae en ningún momento” (Fausto Fernández, Fotogramas)

“Luis Tosar borda un personaxe difícil (…) e arrástrao ata un nivel que resulta no só verosímil senón por momentos emocionante” (Carlos Marañón, Cinemanía)