Mátalos suavemente

MÁTALOS SUAVEMENTE

venres 7 de decembro de 2012

20:00 e 23:00

2,5€ estudantes/parados/xubilados 
ou 5€ o bono mensual

5€ para traballadores 
ou 10 € o bono mensual
auditorio municipal de carballiño

SINOPSE

 A mafia séntese ameazada cando uns descoñecidos asaltan ós asistentes a unha partida de póker. Os capos acoden ó investigador Jackie Cogan para atopar ós culpables, responsables dunha serie de roubos ós casinos protexidos polos propios mafiosos.

Porén, a misión de Cogan complícase entre indecisos, estafadores de segunda, asasinos cansos… e a situación comeza a dexenerar pouco a pouco.

FICHA Dirección: Andrew Dominik Guión: Andrew Dominik, segundo a novela de George V. Higgins Producción: Brad Pitt, Dede Gardner, Anthony Katagas, Paula Mae Schwartz e Steve Schwartz Dirección de Fotografía: Greig Fraser Deseño de Producción: Patricia Norris Montaxe: Brian A. Kates Música: Varios

TECNICA Título orixinal: Killing them Softly Duración: 104’ Ano: 2012 País: EEUU Idioma: Español

FICHA  ARTÍSTICA                                 Brad Pitt                 Richard Jenkins                 James Gandolfini                 Ray Liotta                 Sam Sephard                 Scott McNairy                 Ben Mendelsohn                 Garret Dillaunt

O director, Andrew Dominik (Wellington, Nova Zelandia, 1967)

Aínda que nado en Wellington, ós dous anos a súa familia trasládase a Australia, onde remata graduándose na Melbourne’s Swinbourne Film School en 1988.

A súa carreira  no cine comeza no ano 2000, cando dirixe a película Chopper, baseada no famoso criminal australiano Brandon Read, protagonizada por Eric Bana. Porén, non voltaría a poñerse tra-las cámaras ata o film El asesinato de Jesse James por el cobarde Tom Ford, con Brad Pitt e Casey Affleck, rodada no ano 2006 pero lanzada en 2007. A película orixinalmente tiña unha duración de 4 horas, que os produtores obrigaron a recortar ata 2h. e 40 minutos. A longametraxe foi un éxito a nivel de crítica e de festivais, recibindo Brad Pitt a Copa Volpi ó mellor actor no festival de Venecia.

Tras Mátalos suavemente, o seu seguinte proxecto será unha película sobre a vida de Marilyn Monroe, con Naomi Watts.

Andrew Dominik

“Unha potentísima historia de mafias contemporáneas, posta en imaxes coa lírica habitual do director” (Javier Ocaña, El País)

“Desborda enerxía, mestría cómica, estilo e mal café ideolóxico (…) os diálogos que manteñen o personaxe de Pitt con Jenkins e Gandolfini tocan o ceo. Quizais non sexa novo cine negro, se non a comedia mais sofisticada da temporada” (Jordi Costa, Fotogramas)

“Non debe considerarse coma un thriller político no sentido ortodoxo, pero sí que debaixo da súa capa narrativa  conformada por asasinos profesionais, traficantes de segunda e gángsteres organizados late, senón o retrato, sí o amago de documental entre liñas, entre  xéneros, de crise económica, social e política do noso tempo.” (Quim Casas, Dirigido por…)