Amor bajo el espino blanco

AMOR BAJO EL ESPINO BLANCO

Venres, 2 de novembro.20:00h. e 23:00h

Auditorio Municipal

Desde 2,5€/entrada. Bono mensual desde 5€

SINOPSE

Jing é unha colexiala inxenua da cidade que debe trasladarse a un remoto pobo da montaña para a súa “reeducación” durante a Revolución Cultural china. O seu pai foi encarcerado por ser de dereitas e a súa nai loita por alimentar ós seus 3 fillos. Jing sabe que o seu futuro e o da súa familia depende do seu bo  comportamento en opinión das autoridades. Bastaría un pequeno erro para arruinar as súas vidas.

         E a súa prudente vida vese truncada cando se namora de Sun, o fillo dun militar de elite. Debido á diferenza social que os separa, un romance é impensable e perigoso. Mais a atracción é mutua, poderosa e innegable.

FICHA Dirección: Zhang Yimou Guión: Yin Lichuan e Gu Xiaobai, segundo a novela de Ai Mi Producción: Hyuai Cao, William Kong, Hugo Shong e Weiping Zhang Dirección de Fotografía: Xiaoding Chen Deseño de Producción: Ming Wu Montaxe: Peicong Meng

TECNICA Música: Qigang Chen Son: Jing Tao Título orixinal: Shan zha shu zhi lian Duración: 114’ Ano: 2010 País: China Idioma: Español

FICHA  ARTÍSTICA                                 Zhou Dongyu                 Shawn Dou                 Chen Taisheng                 Rina Sa                 Xi Meijuan                 Li Xuejian                 Lü Liping                 Sun Haiying

Galardons:

·   Festival de Valladolid (Seminci): Mellor actriz (Zhou Dongyu)

O director, Zhang Yimou (Xi’an, China, 1951)

Fillo dun xeneral do exército chino, durante a Revolución Cultural abandonou os estudos e integrouse nunha granxa de traballo, onde durante dez anos traballou coma operario téxtil. Xa con 28 anos retoma os estudios e gradúase en 1982 na Academia de Cine de Pekín.

Antes de director foi operario de cámara para Chen Kaige. E en 1987 debuta na dirección con Sorgo rojo, coa que gaña o Oso de Oro do Festival de Berlín. Dende ese momento acada unha proxección internacional refrendada por longametraxes coma Semilla de crisantemo (1990), La joya de Shanghai (1995) ou El camino a casa (1999), amosando en todas elas a figura predominante de mulleres fortes e decididas, e cunha coidada e estilizada fotografía, que levaría ata límites poéticos nas súas últimas películas coma Heroe (2002) ou La casa de las dagas voladoras (2004).

No ano 2008 dirixe a cerimonia de apertura dos Xogos olímpicos de Beijing.

“A película, que flúe coma un río a base de capítulos unidos por clásicos fundidos a negro, ten un dobre valor: o da delicadeza e o da coraxe” (Javier Ocaña, El País)

“Pequena e pura historia de amor do Yimou mais poético” (Irene Crespo, Cinemanía)

“Magnífica demostración de que a partir dunha trama argumental do mais sinxelo, un gran director coma Yimou é capaz de extraer un caudal de suxerencias” (Tomás Fernández Valentí, Dirigido por…)

F  Se che gustou, recomendámosche tamén: Balzac y la joven costurera china (Dai Sije, 2002) ou Tokio Blues  (Tran Anh Hung, 2010 )