Venres 9 de outubro. Sesión 171: Frío en Julio (Cold in July)

FRIO EN JULIO
Venres, 09 de outubro,  

20:00h (español) e 22:30h (VOSE)

Auditorio Municipal

109'

2014

Estados Unidos

Idade mínima recomendada: 16 anos

SINOPSE

Texas, 1989. Richard Dane, un tipo normal, pai de familia, mata unha noite en defensa propia a un ladrón que entrara na súa casa. O sheriff da cidade dalle parabéns  e o caso semella totalmente pechado, mais o pai do intruso, un exconvicto cun longo historial delitivo, chega á cidade disposto a vingar a morte do seu fillo.

FICHA TÉCNICA        Dirección: Jim Mickle Guión: Nick Damici e Jim Mickle, segundo a novela de Joe R. Lansdale Produción: Rene Bastian, Adam Folk e Marie Savare Dirección de Fotografía: Ryan Samul Deseño de Producción: Russell Barnes Montaxe: John Paul Horstman e Jim Mickle Música: Jeff Grace

FICHA ARTÍSTICA Michael C. Hall Sam Shepard Don Johnson Vinessa Shaw Nick Damici Wyatt Russell Bill Sage Brianda Agramonte

TRAILER (español)

TRAILER (VO) (non o atopamos con subtítulos en español)

GALARDÓNS:

·    Festival de Sitges 2014: Fantàstic Òrbita Award Mellor Director (Jim Mickle)

O director, Jim Mickle 

(Pottstown, Pennsylvania, EEUU, 1979)

Decidiu ser director de cine tras ver El ejército de las tinieblas (Sam Raimi, 1992). Así, graduouse na universidade de Nova Iork en 2002, onde coñeceu a Nick Damici, actor e guionista co que Jim Mickle colaborou en ata catro películas, diante e detrás das cámaras. De feito, a súa primeira colaboración deu coma resultado o debut de ambos, na película Mullberry Street (2006).

Posteriormente seguiron traballando xuntos, Mickle na dirección e guión e Damici no guión e en papeis secundarios, en Stake Land (2010), Somos lo que somos (2013), particular adaptación  da película orixinal mexicana, e Frío en julio (2014)

Críticas

“Puntuada por xiros de guión que transforman radicalmente a historia (…) pretende evocar o cine de John Carpenter.” (Jordi Costa, El País)

“Para fans de thrillers secos e estilizados (…) próxima as mostras máis audaces do xénero.” (Desirée de Fez, Fotogramas)

“A violencia é para os personaxes de Mickle e Damici unha forma de expresión, unha maneira de relacionarse co mundo.” (Tonio L. Alarcón, Dirigido por…) 

E a próxima sesión: La sal de la tierra  (Wim Wenders e Juliano Ribeiro Salgado, 2014)

https://www.facebook.com/cineclubecarballino

cineclubecarballino@gmail.com