Cineclube Carballiño

HOLY MOTORS

(NRM 12 anos)

VENRES 26 de ABRIL de 2013

20:00 e 23:00

2,5€ estudantes/parados/xubilados ou bono mensual por 5€ 

5€ para traballadores ou bono mensual por 10€

auditorio municipal de carballiño

SINOPSE

O señor Oscar é unha persoa que viaxa de vida en vida: pasa de ser un grande executivo a un asasino, despois un mendigo, unha criatura monstruosa, un pai de familia... O señor Oscar semella interpretar varios papeis, sumerxíndose completamente en cada un deles, pero ¿onde están as cámaras? Está so, acompañado únicamente por Céline, unha señora maior, rubia que conduce a limusina que o leva a París e os seus arredores, na procura da beleza dun xesto, do motor da acción....

FICHA Dirección: Leos Carax Guión: Leos Carax Producción: Martine Matignac, Albert Prévost e Maurice Tinchant Dirección de Fotografía: Yves Cape e Caroline Champetier Deseño de Producción: Emmanuelle Cuillery Montaxe: Nelly Quettier Música: Neil Hannon

TÉCNICA Título orixinal: Holy Motors Duración: 115’ Ano: 2012 País: Francia Idioma: V.O.S.

FICHA ARTÍSTICA             Denis Lavant Edith Scob Kylie Minogue Michel Piccoli Eva Mrndes Jean-François Balmer Big John François Rimbau Karl Hoffmeister

Galardóns:

·   Festival de Sitges 2012: Mellor Película e Director

O director, Leos Carax (Suresnes, Francia, 1960)

Crítico cinematográfico e director de varias curtametraxes, á idade de 24 anos, en 1984, realiza Chico conoce chica, o seu debut                                         nas longametraxes, coa que obtén un recoñecemento da crítica no festival de Cannes. Con ese éxito aínda fresco, realiza Mala sangre (1986) onde profundiza nos elementos da súa primeira obra, e que serán recorrentes nas posteriores:  visualmente sorprendentes, centradas no amor xuvenil e na alienación.

Los amantes del Pont-Neuf (1991) marca outro punto culminante na súa traxectoria, tras un enorme esforzo persoal de anos e diñeiro, que de todas formas non obtivo a súa recompensa nin a nivel de público, nin de crítica.

Durante outros 8 anos non volveu a dirixir outra película ata Pola X (1999), que non obtivo o impacto das súas anteriores películas. Agora, con Holy Motors, Carax volve a amosar esa vision orixinal e novedosa que sempre o caracterizou.

CRÍTICAS

“Un salto sobre a barreira da normalidade, unha obra estraña, inescrutable, demente, hipnótica, a ratos moi idiota e case sempre fermosísima” (Nando Salvá Rodríguez Marchante, El Periódico)

“Críptico, violento, xenial, torpe, enfermizo, cutre e febril. Todo cabe nunha película na que ata os coches falan” (Luis Martínez , El Mundo)

“Unha lección de cine libre e salvaxe (...) A beleza percorre toda a película, a pesar de que o culto ao feísmo e ao bizarro semelle colonizala” (Sergi Sámchez, La Razón)