VENRES 11 DECEMBRO: LOS INCREIBLES

LOS INCREÍBLES

Venres 11 de decembro

Auditorio municipal de Carballiño

20:00 (español) e 22:30 (VOS)

Duración: 124’

Ano: 2012
País: España

 SINOPSE

A historia de tres heroes cotiás: Ala Quebrada, A dama de Ferro e a Muller Radioactiva. Tres persoas que sofren as adversidades da vida e que loitan contra os máis terribles viláns: a morte, o desamor e a soidade.

Acompañámolos nas súas vidas cheas de sufrimento e rexeite. Pero eles nunca baixan a cabeza, nunca se dan por vencidos, continúan pelexando por atopar a felicidade, porque eles son heroes.

FICHA TÉCNICA

Dirección: David Valero

Guión: David Valero

Produción: Frida Films, Salto del Eje

Dirección de Fotografía: David Valero

Montaxe: Aurora Sulli

Música: Vincent Barriete

FICHA  ARTÍSTICA
Juan Eulalio
María Moreno
Joana Martín

 

O director, David Valero

Cineasta autodidacta. Aos 12 anos grava a súa primeira curtametraxe á que seguirán una vintena máis ás que el mesmo chamará Traballos de aprendizaxe. Dende entón realiza traballos en formatos moi diversos: videoclip, publicidade, ficción e documental. 

 

En 2007 estrea a súa primeira curtametraxe rodada en 35mm Niños que nunca existieron, acadando un gran recoñecemento e a selección en máis dun centenar de festivais nacionais e internacionais, obtendo multitude de premios como: 1er premio Girona Film Festival; 1er premio no Festival de cine
solidario de Guadalaxara; 1er premio Tirana Film Festival (Albania); Mellor director no Festival de
cine de Soria; Mellor director Semana de cine de Medina del Campo, Mellor curtametraxe Festival de
cine de Benalmádena; ou Mellor curtametraxe Festival de cine de Guadalajara (México).
 

En 2008, comeza a aventura de Los Increíbles (Ala Rota, La Dama de Hierro y La Mujer Radiactiva)
estreada na 60o edición do Festival de cine de San Sebastián na sección Nuevos Directores.
Posteriormente embárcase noutros proxectos como a película de animación Linko (2014) ou El Arca de Noé.

Críticas

“Un documental acertadamente íntimo e marabillosamente humano que se balancea suavemente entre da traxedia sen esperanza á hilaridade total, analizando vidas ante a adversidade”, Variety.

 

“Atrápate e non te solta ata o derradeiro alento, polo real do seu tratamento e a honestidade e intensidade emocional que caracteriza as tres diferentes historias”, Filmin

 

E a próxima sesión: White God (Kornél Mundruczó, 2014)