Venres 4 de decembro: Viaje a Sils Maria

Viaje a Sils Maria

("Clouds of Sils Maria")

Venres 4 de decembro

Auditorio municipal de Carballiño

20:00 (español) e 22:30 (VOS)

Duración: 124’

Ano: 2015
País: Francia

SINOPSE

Aos 18 anos, Maria Enders tivo un enorme éxito no teatro interpretando  a Sigrid, unha rapaza ambiciosa e encantadora que provoca o suicidio dunha muller madura, Helena. Vinte anos máis tarde, ofrécenlle interpretar novamente a peza teatral, pero interpretando a Helena.

Para preparase viaxa coa súa asistenta a Sils Maria, nos Alpes, onde coñecerá a rapaza que encarnará a Sigrid nesta nova versión: unha estrela de Hollywood con inclinación ao escándalo.

Maria verase a si mesma dende o outro lado do espello, cara a cara cunha muller que é, en esencia, un reflexo inquedante dela mesma. 

Tráiler español

Tráiler VOS

FICHA TÉCNICA

Dirección: Olivier Assayas

Guión: Olivier Assayas

Produción: Charles Gillibert

Dirección de Fotografía: Yorick Le Saux

Deseño de Producción: François-Renaud Labarthe

Montaxe: Marion Monnier

FICHA  ARTÍSTICA
Juliette Binoche
Kristen Stewart
Chloë Grace Moretz
Johnny Flynn
Lars Eidinger
Hanns Zischler
Claire Tran
Angela Wrinkler

O director, Olivier Assayas

(1955, París, Francia)

Fillo do guionista Jacques Rémy, comezou na industria do cine axudando a seu pai, especialmente cando xa comezaba a ter problemas de saúde. Ademais de dirixir varias curtas, colaboraba na revista de cine Cahiers du Cinéma.

A súa primeira longametraxe é Désordre (1986). Posteriormente onsegue participar no festival de Cannes con El agua fría (1994). Outros dos seus filmes destacados son Irma Vep (1996), Finales de agosto, principios de septiembre (1998), Demonlover (2002), Las horas del verano (2008) ou a película para TV Carlos (2010).

Críticas

 “Assayas confecciona da man dunha imperial Juliette Binoche un delicado, preciso e maxistral estudio do tempo.” (Luís Martínez, El Mundo)

“Fantástica. Poucas historias con tantas capas e subtextos coma esta película” (Javier Ocaña, El País)

“Complexa mestura de pasado, presente, ficción, realidade, cine, teatro, dependencia e independencia.” (E Rodríguez Marchante, ABC) 

E na próxima sesión: Los increíbles  (David Valero, 2012)