lunes, 22 de febrero de 2016

Paulina

Paulina 

Data proxección: 26/02/2016 
Horario: 20:00 e 22:30
Duración: 103'
Lugar: Auditorio municipal de O Carballiño
Ano: 2015 - País: Arxentina

GALARDÓNS

  • Festival Internacional de San Sebastián: Premio Horizontes (Santiago Mitre)
  • Festival Internacional de Cannes: Gran Premio Semana da Crítica e Premio FRIPESCI
SINOPSE

Paulina é unha avogada que retorna á súa cidade para
dedicarse a labores sociais. Traballa nun programa de
defensa dos dereitos humanos en zonas humildes da
periferia da cidade.
Tras a segunda semana de traballo, é interceptada e
atacada por unha patota, un fato violento de rapaces.


FICHA TÉCNICA
Dirección: Santiago Mitre 
Guión: Santiago Mitre e Mariano Linás, segundo o guión
orixinal de Eduardo Borrás e Daniel Tinayre
Produción: Santiago Mitre, Laurent Baudens, Fernando
Brom, Didar Domehri, Axel Kuschevatzky, Agustina
Llambi-Campbell, Gaël Nouaille, Walter Salles, Lita
Stantic e Nacho Viale

 Deseño de Fotografía: Gustavo Biazzi 
Montaxe: Delfina Castagnino Música: Nicolás Varchausky 



FICHA  ARTÍSTICA 
Dolores Fonzi - Óscar Martínez - Esteban Lamothe - Cristian Salguero - 
Verónica Llinás - Laura López Moyano


  O director, Santiago Mitre  
(1980, Bos Aires, Arxentina)
Director e guionista, cursou estudos na Universidade do Cine, en Bos Aires. Comeza escribindo guións para televisión, iniciando unha colaboración co director Pablo Trapero, para quen escribe Leonera (2008), Carancho (2010) e posteriormente Elefante Blanco (2012).

En 2011, tras fundar a produtora La unión de los ríos,  debuta como director sobre un guión propio, con El estudiante, que tivo un recorrido internacional obtendo varios premios en diversos festivais, como Locarno ou Xixón. En 2013 presenta Los posibles, unha mediometraxe, mestura de cine e danza.

A súa consagración internacional prodúcese en 2015 con filme Paulina.


martes, 16 de febrero de 2016

19 de Febreiro - El Club

El Club
Data proxección: 19/02/2016
Horario: 20:00 e 22:30
Duración: 98'
Lugar: Auditorio municipal de O Carballiño
Ano: 2015 - País: Chile
SINOPSE
Catro homes conviven nunha retirada casa dun pobo
costeiro, baixo a mirada dunha coidadora. Son curas, e
están aí para purgar os seus pecados.
A rutina e tranquilidade do lugar rómpese cando chega
un atormentado quinto sacerdote e os hóspedes reviven
o pasado que crían ter deixado atrás.

FICHA TÉCNICA
Dirección: Pablo LarraínGuión: Guillermo Calderón, Pablo Larraín e Daniel Villalobos
Produción: Pablo Larraín e Juan de Dios LarraínDirección de Fotografía: Sergio ArmstrongDeseño de Produción: Estefanía Larrain
Montaxe: Sebastián Sepúlveda Música: Carlos Cabezas

FICHA  ARTÍSTICA
Roberto Farias - Antonia Zegers - Alfredo Castro - Alejandro Goic - 
Alejandro Sieveking - JaimeVadell - Marcelo Alonso - Gonzalo Valenzuela
  O director, Pablo Larraín (1976, Santiago de Chile, Chile)
Director, guionista e produtor, estudou comunicación audiovisual na Universidade de Artes, Ciencias e Comunicación de Santiago, en Chile. Tras fundar a produtora Fábula en 2004, dirixe a súa primeira longametraxe en 2005, Fuga, obtendo varios premios en festivais internacionais coma Málaga ou o de Cine Latinoamericano de Trieste.
 
Despois de dirixir  Tony Manero  (2008) e Post Mortem (2010), encárgase do primeiro episodio da serie Prófugos (2011). Tras No (2012) dirixe por primeira vez unha opera, Katia Kabanova, de Leos Janacek, estreada no teatro municipal de Santiago o 2 de Maio de 2014.
 
Actualmente está rematando a produción da súa seguinte película, Neruda.

CRÍTICAS
“É dura e áspera. Destila intelixencia, sarcasmo, claustrofobia e violencia interna…. O que ves, oes e imaxinas remóvete por dentro”
(Carlos Boyero, El País)

“No só a mellor, máis cruel e divertida película de Pablo Larraín, senón que tamén posúe a virtude do shock.” (Luís Martínez, El Mundo)

“Filme complexo, que se move con mestría nunha zona de penumbra moral. Coma o drama que explica (…) Un drama con toques de humor negro.” (Salvador Llopart, La Vanguardia)
 
 
E a próxima sesión: Paulina 
(Jorge Fernández Mayoral, Pablo Tosco e Pablo Iraburu, 2015)

martes, 9 de febrero de 2016

Vento Ferido: 13 de febreiro

VENTO FERIDO
Data proxección: 13/02/2016
Horario: 19:00
Duración: 30'
Lugar: Auditorio municipal de Carballiño
Idioma: GALEGO
Ano: 2015 - GALICIA
DE BALDE

SINOPSE
Por moito que intentemos escapar do pasado, dun xeito ou outro, este sempre volve a nós. Isto é o que lle ocorre a Milo, un rapaz de 23 anos que debe regresar ó seu pobo natal anos despois de escapar del. Á súa volta descubrirá que tivo motivos máis que suficientes para marchar, e o que parecía un grato reencontro coa familia e os amigos, convertirase nun día que xamáis esquecerá, no que os fantasmas do pasado non pasarán desapercibidos.

FICHA TÉCNICA
Para información sobre o equipo técnico consulta a seguinte ligazón: http://ventoferido.webs.uvigo.es/equipo-tecnico/
FICHA  ARTÍSTICA
Sergio Alfonso - Lucía L. Golán - Germán Álvarez -  Ramón Ferreira - Paula López
Máis información en http://ventoferido.webs.uvigo.es/actores-e-personaxes/ 

Ligazóns de interese
 Páxina web oficial 
http://ventoferido.webs.uvigo.es/
Entrevista a Miguel Grandío, director e guionista da serie e a Paulino Pérez, produtor executivo de Vento Ferido 
Páxina de Facebook

DISTRICT ZERO: 12 DE FEBREIRO

DISTRICT ZERO
Data proxección: 12/02/2016
Horario: 20:00 e 22:30
Duración: 70'
Lugar: Auditorio municipal de Carballiño
Idioma: V.O.S.
Ano: 2015 - País: España

Zaatari, un campo de refugiados de Jordania en el que viven 80.000 personas


SINOPSE
Como todas as mañás, Maamun Al-Wadi abre a porta da súa tenda. É un diminuto contedor branco. Ao seu lado, outro contedor idéntico. E logo outro, e outro. O horizonte está formado por miles de contedores absolutamente iguais. Estamos nun dos campos de refuxiados máis grandes do mundo, Zaatari, en Xordania.
Na tenda de Maamun reparan móbiles, e nas súas tarxetas de memoria, os clientes gardan o seu pasado en Siria.

FICHA TÉCNICA
Dirección: Jorge Fernández Mayoral, Pablo Tosco e Pablo Iraburu - Guión: Jorge Fernández Mayoral, e Pablo Iraburu Produción: Arena Comunicación - Dirección de Fotografía: Jorge Fernández Mayoral e Pablo Tosco - Montaxe: Jorge Fernández Mayoral e Miguel García -Música: Jordi Savall

FICHA  ARTÍSTICA
(DOCUMENTAL)

Maamum Al-Wadi
Karim Rajab

Ligazóns de interese
 Páxina web oficial 
http://www.districtzero.org/
Entrevista aos directores http://www.medicosdelmundo.es/blogosfera/navarra/2016/01/07/hablamos-sobre-district-zero-con-sus-tres-directores/


OS DIRECTORES

PABLO IRABURU 
Fundador de Arena Comunicación Audiovisual. Leva máis de 20 anos dedicado á produción de documentais, o que o levou a rodar por todo o mundo. A súa primeira longametraxe como produtor, codirector e coguionista foi Nömadak Tx, rodada en Laponia, India, Mongolia e norte de África, e premiada en San Sebastián. Aparte da súa faceta de documentalista, Iraburu produce audiovisuais para diversos museos -como o Museo Arqueolóxico Nacional-, programas de televisión -como o que narrou a expedición de Edurne Pasabán ao Everest-, e vídeos para ONGs e entidades sen ánimo de lucro - como Action Aid, Manos Unidas, Medicus Mundi, Naciones Unidas ou a Axencia Española de Cooperación Internacional-. É profesor de Documental na Universidade de Navarra.
JORGE FERNÁNDEZ MAYORAL 
Realizador e editor, leva nove anos dedicado á realización audiovisual. Traballou coma xefe técnico en Arena Comunicación dende 2004 a 2011, e dende entón colabora coa empresa e con outras produtoras como realizador freelance especializado en cine documental. Entre os seus proxectos máis destacados, atópase a longametraxe documental Nömadak Tx e os documentais To Shoot an Elephant, What about Columbus, Piztera e Nos quitaron todo. Recentemente traballou coma subdirector e realizador nos programas de televisión Yasuní, genocidio en la selva e Amazonas Clandestino, para a cadea Discovery Max.

PABLO TOSCO 
Fotoperiodista e realizador, dende 2004 documenta para Oxfam Intermón proxectos de cooperación, desenvolvemento e acción humanitaria en África, América Latina e Asia. Encargouse de documentar os proxectos educativos e de construción de paz en Angola, a vida nos campos de refuxiados sudaneses en Chad, o traballo das asociacións campesiñas de Marrocos, as vítimas do terremoto de Haití e Nepal, a crise alimentaria en Etiopía, a do ébola en Liberia e Sierra Leona, y recentemente, o conflito sirio, sobre o que publicou un libro en 2014 chamado Siria: La primavera marchita,  xunto a outros fotoperiodistas. Como realizador audiovisual, destacan as seguintes curtametraxes documentais nas que traballou como guionista e director de fotografía: Huellas que no callan (Colombia), Postales del otro lado de la guerra (Sudán del Sur), e Felipe Manterola, un fotógrafo rural (Bizkaia). 

lunes, 1 de febrero de 2016

"Nadie quiere la noche" - 5 de febreiro

Nadie quiere la noche
Data proxección: 05/02/2016
Horario: 20:00 e 22:30
Duración: 118'
Lugar: Auditorio municipal de Carballiño
Ano: 2015 - País: España - Francia - Bulgaria


SINOPSE
Josephine, unha muller rica e culta, inicia unha expedición ao Polo Norte para reunirse co seu marido, o explorador Robert Peary. Durante a súa viaxe, atópase cunha humilde muller esquimó. A pesares das numerosas diferenzas culturais e persoais, ambas terán que unirse para poder sobrevivir ás duras condicións climáticas da tundra.

FICHA TÉCNICA
Dirección: Isabel Coixet Guión: Miguel Barros
Produción: Jaume Roures Dirección de Fotografía: Jean-Claude Larrieu Deseño de Produción: Alain Bainée
Montaxe: Elena Ruiz Música: Lucas Vidal

FICHA  ARTÍSTICA
Juliette Binoche - Rinko Kikuchi - Gabriel Byrne - Matt Salinger - 
Velizar Binev - Ciro Miró - Reed Brody - Alberto Jo Lee



A directora, Isabel Coixet (1960, Barcelona, España)

Estudou Historia Contemporánea na Universidade de Barcelona. Posteriormente traballou coma periodista na revista Fotogramas. A súa afección pola imaxe fixo que se acercara ao mundo do cine, onde comezou desempeñando diversas tarefas coma, e a publicidade, creando posteriormente unha produtora propia. Decidida a filmar a súa primeira película, trasladase aos Estados Unidos, onda roda Cosas que nunca te dije (1996).
Posteriormente roda outras películas, principalmente no estranxeiro e con gran participacin mí (2003), La ión internacional, incluíndo actores de Hollywood coma Tim Robbins,  Dennis Hopper ou Ben Kingsley. Entre as súas longametraxes atopamos: Mi vida svida secreta de las palabras (2005), Elegy (2008) ou Ayer no termina nunca (2013).
Comparte a súa faceta de directora de cine coa creación de spots para marcas coma Ford, Danone, British Telecom, BMW e un moi recordado para Evax, entre outras. Así mesmo tamén dirixiu videoclips para artistas, dende Alejandro Sanz ata Sexy Sadie, e encargouse da dirección dunha gala de entrega dos Premios Goya. 



CRÍTICAS

 “Sobrio exercicio de Isabel Coixet (…) Unha película de incuestionable beleza.” 
(Luís Martínez, El Mundo)
“Magnífico guión (…) Todo é claro e evidente, en boa medida, grazas a marabillosa actriz que é Juliette Binoche e á hipnótica fotografía de Larrieu.” 
(Salvador Llopart, La Vanguardia)
“Un poderoso, case conceptual, retrato de calidades femininas nas circunstancias máis adversas.”
(Andrea G. Bermejo, Cinemanía)



E a próxima sesión: District Zero  
(Jorge Fernández Mayoral, Pablo Tosco e Pablo Iraburu, 2015)

Buscar neste blog

A miña lista de blogs

  • Programación abril 2024 - Sesións de ciclo dos mércores Sesións especiais Sesións de filmoteca IX Ciclo Colexio de médicos Sobrevivimos ao inverno e a febreiro. Cando a escuridade ...
    Hace 2 días
  • Larga ausencia... - *Un servidor es plenamente consciente de la ingente cantidad de tiempo que hace que no se digna a actualizar este humilde blog... Ahora bien, siempre digo ...
    Hace 9 años
  • - Mois boas!! Rematamaos a tempada cun programa dobre..por iso ides ver ao final moitos mais cortes do habitual, jeje: son dous progrmas especias, adicados a...
    Hace 10 años